سورۃ الصف

بِسْمِ اللّٰهِ الرَّحْمٰنِ الرَّحِيْمِ        

{سَبَّحَ لِلّٰہِ مَا فِی السَّمٰوٰتِ وَ مَا فِی الۡاَرۡضِ ۚ وَ ہُوَ الۡعَزِیۡزُ الۡحَکِیۡمُ ﴿۱﴾} 

[سَبَّحَ للّٰهِ مَا: تسبیح کرتی ہے اللہ کی (ہر) وہ چیز جو][ فِي السَّمٰوٰتِ: آسمانوں میں ہے][ وَمَافِي الْاَرْضِ : اور (ہر) وہ چیز جو زمین میں ہے][ وَهُوَ الْعَزِيْزُ الْحَكِيْمُ: اور وہی بالادست ہے حکمت والا ہے]"

{یٰۤاَیُّہَا الَّذِیۡنَ اٰمَنُوۡا لِمَ تَقُوۡلُوۡنَ مَا لَا تَفۡعَلُوۡنَ ﴿۲﴾} 

[يٰٓاَيُّهَا الَّذِينَ اٰمَنُوْا لِمَ تَقُوْلُوْنَ: اے لوگو جو ایمان لائے ہو تم لوگ کیوں کہتے ہو][ مَا لَا تَفْعَلُوْنَ: وہ جو تم کرتے نہیں]"

{کَبُرَ مَقۡتًا عِنۡدَ اللّٰہِ اَنۡ تَقُوۡلُوۡا مَا لَا تَفۡعَلُوۡنَ ﴿۳﴾} 

[كَبُرَ: وہ (بات) بڑی ہوئی][ مَقْتًا : بلحاظ بےزاری کے][عِنْدَ اللّٰهِ: اللہ کے نزدیک][ اَنۡ تَقُوْلُوْا مَا لَا تَفْعَلُوْنَ: کہ تم لوگ وہ کہو جو کرتے نہیں ہو]

ترکیب: (آیت۔3) کَبُرَ کا فاعل اس میں شامل ھُوَ کی ضمیر ہے جو گذشتہ آیت کے فقرے لَمَ تَقُوْلُوْنَ مَالاَ تَفْعَلُوْنَ کے لیے ہے۔ اس کو اسی آیت کے فقرے اَنۡ تَقُوْلَوْا مَالَا تَفْعَلُوْنَ کی ضمیر ماننے سے مفہوم میں کوئی فرق نہیں پڑے گا لیکن یہ اس لیے درست نہیں ہے کہ ضمیر کا مرجع عموماً ضمیر سے پہلے ہوتا ہے۔ مَقْتًا مفعول نہیں ہے بلکہ تمیز ہونے کی وجہ سے حالت نصب میں ہے۔